Jan 22

ප්‍රින්සිපල්ගෙ ප්‍රශ්නේ – සමන්ත විද්‍යාරත්නත් මහඇමතිගෙන් මිලියන 500 ඉල්ලයි

500-samantha-vidyaratne

ඌව පළාත් මහ ඇමතිවරයා විදුහල්පතිනියක දණ ගස්සවා වන්දවා ගැනීම සම්බන්ධයෙන් හෙළි දරව් කිරීමෙන් පසු තමන් මහ ඇමතිවරයාට අපහාස කළේ යැයි පවසා පොලීසියට පැමිණිලි කර තමන් වෙත එවනලද එන්තරවාසියම උපයෝගී කරගනිමින් ජවිපෙ පළාත් මන්ත්‍රී සමන්ත විද්‍යාරත්න මහතා විසින් හරස්
ඉල්ලීමක් යොමු කිරීම සඳහා

කටයුතු කරමින් සිටින බව වාර්තා වේ.

යම් අයෙකු තවත් අයෙකුට එන්තරවාසියට ඉදිරිපත් කළ පසු එම එන්තරවාසියේ කරුණු සාවද්‍යනම් එම එන්තරවාසිය මගින් චූදිත වන තැනැත්තාට අපහාස සිදුවීම මත පදනම්ව එය යොමු කළ තැනැත්තාගෙන් වන්දි ඉල්ලීමට ඇති නීති ප්‍රතිපාදන මත පදනම්ව මෙම හරස් ඉල්ලීම යොමු කිරීමට කටයුතු කරමින් ඇති බව වාර්තා වේ.

මේ සම්බන්ධයෙන් අදහස් දැක්වූ සමන්ත විද්‍යාරත්න මහතා පවසා සිටියේ මේ වනවිටත් ඊට අදාළ හරස් ඉල්ලීම සැකසීමේ කටයුතු නීතීඥ කණ්ඩායමක් විසින් සිදු කරමින් සිටින බවයි.

සමන්ත විද්‍යාරත්න මහතා තවදුරටත් පවසා සිටියේ තමන්ට එරෙහිව මහ ඇමතිවරයාගේ ගොනු කරන නඩුවෙන්ම මහ ඇමතිවරයා වගඋත්තරකරුවෙක් කර වන්දි අයකරගැනීමට කටයුතු කරන බවය.

Leave a Reply

Your email address will not be published. Required fields are marked *