May 08

ජල ගාස්තු ඉහළ දමන් නැතිව කොහොමෙයි – රවුෆ් හකීම්

ජල සම්පාදන මණ්ඩලය ජල සැපයීමේ ක්‍රියාවලියේදී දරන වියදමට අනුව ජල ගාස්තු වැඩි කළ යුතුව ඇතැයි නගර සැලසුම් හා ජල සම්පාදන ඇමැති රවුෆ් හකීම් මහතා ප්‍රකාශ කළේය.

පාරිභෝගිකයන්ට ජලය සැපයීමේ ක්‍රියාවලියේදී එක් ජලය ලීටරයක් නිෂ්පාදනය කිරීම සඳහා රුපියල් 50.00 ක මුදලක් වැය කරන අතර ජලය ලීටරයක් රුපියල් 8.00 ක් වැනි මුදලකට පාරිභෝගිකයන්ට අලෙවි කිරීම නිසා ජල සම්පාදන මණ්ඩලයට විශාලම පාඩුවක් සිදුවන බවද ඇමැතිවරයා සඳහන් කළේය.

එමෙන්ම ජල යෝජනා ක්‍රම ක්‍රියාත්මක කිරීම සඳහා විශාල වශයෙන් ණය ලබාගෙන තිබෙන බැවින් ණය වාරික ගෙවීමටද විශාල මුදලක් වෙන් කිරීමට සිදුවන බවද රවුෆ් හකීම් මහතා පැවැසීය.

එම නිසා ජල ගාස්තු වැඩි කිරිම සඳහා ඉදිරියේදී කැබිනට් පත්‍රිකාවක් ඉදිරිපත් කරන බව රවුෆ් හකීම් මහතා වැඩිදුරටත් පැවැසීය.

Leave a Reply

Your email address will not be published. Required fields are marked *